Facturacion

Encausa d’ua incidéncia detectada damb era aplicacion der IVA redusit deth 10 % se realize era rectificacion des factures corresponentes. Se te trapes afectat per aguesta incidéncia receberàs dues factures, era devolucion dera factura erronèa e eth cargue dera factura rectificada. S’ès en demora d’ua rectificacion de factura ei possible que se retarde. Trabalham entà resòlver aguesta situacion ath mès lèu possible. Desencusa es inconvenéncies.

T’aufrim ua explicacion visuau e simpla dera tua factura de gas entà que comprengues tota era informacion que conten.

Bremba-te’n que pòdes facilitar era tua lectura en telefon gratuït 900 510 511.

Detalh dera factura

Informacion d’atencion ath client

S’indiquen es telefons gratuïts de contacte que pòt utilizar eth client entà realizar quinsevolha consulta, gestion, comunicacion d’incidéncies.

Informacion sus eth client

  1. Donades contractuaus
    Apareish identificat eth numèro de contracte associat ath provediment, e tanben es donades deth titular deth contracte (nòm e cognòms, CIF/ NIF) e era adreça deth provediment.
  2. Donades postaus
    Apareishen identificades es donades deth receptor dera factura, que pòt non coïncidir damb era direccion deth provediment.
  3. Donades de crubament
    Includís es donades bancàries facilitades peth client entà que Gas Natural Redes GLP realize eth cargue dera factura. En dita factura apareishen ocults es 4 darrèri digits entà preservar era confidencialitat e seguretat des donades bancàries deth client.

Detalh dera facturacion ath client sus lectura e consum

En aguesta part dera factura s’indique:

  • El Código CUPS, qu’ei eth Còdi Universau deth Punt de Provediment. Ei un identificatiu unic de cada provediment. Damb aguest còdi eth client pòt realizar quinsevolha consulta o gestion restacada damb eth sòn provediment.
  • Lectura actuau e anteriora deth compdader de gas. I apareish era data d’andues. Segons se facilite peth client, era lectura pòt èster:
    • Lectura reau. Ei era lectura mercada peth compdader.
    • Lectura facilitada. Ei era lectura facilitada peth client a trauès de quauqu’un des canaus de contacte disponibles.
    • Lectura estimada. Ei era lectura que se realize en basa as consums anteriors, en non dispausar de lectura reau o facilitada.
  • Consum. Mesurat en m3. S’obten dera diferéncia entre andues lectures (actuau e anteriora) en periòde de temps que se facture.
  • Istoriau de facturacion. Includís un grafic deth consum realizat enes 2 darrèri ans.
  • Detalh facturacion. En aguest apartat s’includissen:
    • Data emission factura, numèro de factura, tipe gas, tarifa, lòc emission factura, prètzi BOE, prètz de gas, factor conversion a volum, concèptes gas, d’auti concèptes facturadi, IVA.
    • Prètz de gas. Segons BOE en €/Kg.
    • Factor conversion a volum. Era normativa obliga a facturar eth gas propan en €/kg, mès en mesurar-se en m3, ei obligatòri realizar era transformacion des m3 en kg. Aguest vàrie en foncion dera pression atmosferica, temperatura mejana dera zòna e pression deth provediment.
    • Conceptes gas:
      • Tèrme fixe. Represente eth còst qu’eth client pague per recéber gas en sòn domicili. Se facture se consumisque o non gas.
      • Consum gas. Ei eth consum de gas realizat en periòde de facturacion indicat ena factura (m3 x prètz gas x factor conversion). Era actualizacion des prètzi de gas propan se produsissen de forma mensuau en BOE e variarà ath long der an.
    • D’auti concèptes facturadi:
      • Loguèr de compdader. En cas que sigue proprietat dera distribuidoira, ena factura se repercutís eth còst deth loguèr.
      • Canon IRC. Ei eth montant que se crube as usatgèrs pera “Installacion Receptora Comuna“, ei a díder, era canalizacion exteriora realizada pera distribuidoira entath provediment de gas enquiara clau de connexion de servici de gas deth client.
      • Inspeccion periodica. Cada 5 ans ei obligatòri efectuar ua inspeccion des installacions receptores de gas des usatgèrs. Eth client pòt sollicitar era sua realizacion a ua enterpresa installadora de gas autorizada o a trauès dera distribuidoira dera sua zòna.
      • IVA. A toti aguesti concèptes se les aplique er Impòst sus era Valor Ahijuda corresponenta en vigor.