Com foncione?

Aguest servici corbís tant es operacions de besonh entà eliminar o redusir quinsevolh risc potenciau, coma es accions entà normalizar eth provediment de gas.

Entà comunicar quinsevolha urgéncia te cau telefonar ath telefon gratuït 900 555 000 de Servici d’Atencion d’Urgéncies.

Quan as de telefonar?

Quan perceberàs que pòt existir quauque risc causat peth gas o t’encuedes d’anomalies en provediment, coma nauta o baisha pression o fauta de gas.

Es especialistes de Gas Natural Redes GLP classaràn era accion en foncion deth risc o gravetat e t’indicaràn coma as d’agir.

S’eth problèma non se pòt solucionar telefonicament, t’enviaràn ath personau especializat de Gas Natural Redes GLP entà eliminar es risqui.

As de saber:

Eth servici d’Atencion d’Urgéncies de Gas Natural Redes GLP non corbís era reparacion dera installacion de gas a compdar dera clau de connexion de servici dera bastissa, exceptat que dita installacion siguesse proprietat de Gas Natural Redes GLP.

En cas des airaus comuns dera tua bastissa, ei eth proprietari, o qui li represente, qui deu responsabilizar-se dera sua conservacion e mantenença. Ath laguens deth tòn abitatge as de mantier era installacion en perfècte estat e hèr-ne un usatge apropriat.