Factura online

Er objècte des presentes Condicions ei regular eth rendement deth servici de facturacion online o “efactura” entàs clients de Gas Natural Redes GLP, S.A. que se donguen de nauta en aguest servici. Era nauta en aguest servici implicarà, a compdar dera sua entrada en vigor, eth consentiment exprès deth client entà deishar de recéber per via postau era factura en supòrt papèr, segons s’establís enes següentes estipulacions.

2.1. Eth servici de facturacion online a clients o "efactura" ei un servici disponible, a peticion deth client, entà recéber per corrèu electronic er avertiment d'emission dera factura en format digitau, dita factura serà disponibla a trauès der Airau Privat entà clients ena Web de Gas Natural Redes GLP, S.A. e non supausarà cap còst ahijut entath client, en tractar-se d'un servici que Gas Natural Redes GLP, S.A. aufrís gratuïtament.

Era sollicitacion dera factura online (efactura) se poderà realizar a trauès de canaus d'atencion que Gas Natural Redes GLP, S.A. mete a disposicion des sòns clients e que pòden consultar-se a trauès dera sua pagina Web (https://www.gnredesglp.es) Entà dar-se de nauta en aguest servici, er usatgèr facilitarà era sua identificacion coma titular deth punt de provediment e comunicarà un corrèu electronic entà dita finalitat.

Eth client poderà revocar eth sòn consentiment entà recéber era factura online en quinsevolh moment, e tornar a recéber era factura en supòrt papèr, mejançant comunicacion a Gas Natural Redes GLP, S.A. a trauès des sòns canaus d’atencion, que pòden consultar-se a trauès dera sua pagina Web.

2.2. Es factures qu'emete Gas Natural Redes GLP, S.A. pes servicis rendudi seràn cargades e emmagazinades per un periòde minimau de quate ans en mencionat Airau Privat, en lòc web https://www.gnredesglp.es. Entà accedir a dites factures eth client aurà de registrar-se en Airau Privat. Es factures seràn disponibles en format digitau (PDF), pr'amor d'açò eth client poderà visualizar-les en identic format ath que aurien dites factures en cas d'auer estat enviades en supòrt papèr ara sua adreça.

2.3. Es Clients que se donguen de nauta en aguest Servici deisharàn de recéber per via postau, ena sua adreça, era factura en papèr.

2.4. Eth servici de factura online permet era recepcion der avertiment d’emission de factura en corrèu facilitat peth client e eth ligam en Airau Privat entara visualizacion en pantalha dera factura e deth sòn detalh, era sua descarga e impression per part der Usatgèr.

Era factura online atau obtenguda se base ena utilizacion d’un sistèma de signatura electronica que permet garentir era autenticitat dera sua origina e era integritat deth sòn contengut, enes tèrmes que se contemplen en ORDE EHA/962/2007, de 10 d’abriu, que desvolòpe determinades disposicions sus facturacion telematica e conservacion electronica de factures, contengudes en Reiau Decrèt 1496/2003, de 28 de noveme qu’apròve eth reglament que regule es obligacions de facturacion (actuaument Reiau Decrèt 1619/2012, de 30 de noveme).

2.5. Era factura online se meterà a disposicion deth client, mejançant corrèu electronic, quan atau s’aurà sollicitat d’acòrd damb es presentes condicions, e poderà consultar-se eth detalh a trauès der Airau Privat laguens dera Web de Gas Natural Redes GLP, S.A. quan er usatgèr s’i aurà dat de nauta.

2.6. Era non recepcion per part der usatgèr dera factura online per e-mail, ja sigue per error ena adreça de corrèu electronic facilitada a Gas Natural Redes GLP, S.A., ja sigue per quinsevolh aute motiu, non implicarà que dèishe de render-se eth Servici de Facturacion Online, se non auesse revocat eth sòn consentiment damb anterioritat pes canaus abilitadi. De tota faiçon, serà responsabilitat der Usatgèr comunicar a Gas Natural Redes GLP, S.A. quinsevolh cambiament ena direccion de corrèu electronic en que volgue recéber es avertimens de metuda a disposicion dera factura online.

Era nauta en servici de facturacion online serà de caractèr volontari e gratuït entath Client e se realizarà a trauès des mejans de contacte metudi a disposicion des clients ena pagina web (https://www.gnredesglp.es), a on er usatgèr aurà de confirmar era sua identitat a trauès dera informacion sollicitada (DNI/NIF/CIF e còdi universau deth punt de provediment o CUPS) e acceptar es presentes Condicions de contractacion. Seguidament, eth client aurà de facilitar ua adreça de corrèu electronic valida entà recéber era factura online.

Era nauta en Servici per part deth Client compòrte era sua adesion exprèssa, plea e sense resèrves a totes e cadua des presentes Condicions Generaus e implicarà qu’a compdar dera data ena que dita nauta entre en vigor, eth Client aurà ara sua disposicion es sues factures en format digitau a trauès des mejans electronics abilitadi entad aguest efècte, en tot deishar de receber-les per via postau en supòrt papèr, segons se detalhe en aguestes estipulacions.

Er usatgèr da eth sòn consentiment entà èster dat de nauta en servici de facturacion online de Gas Natural Redes GLP, S.A a compdar deth moment en que manifèste era acceptacion des presentes condicions generaus en sollicitar dita nauta. A compdar d’aguest moment, er usatgèr accèpte e s’aderís de manèra complèta a totes es Condicions d’emplec ací detalhades sense prejudici qu’eth client, en quinsevolh moment, pòt sollicitar era baisha deth servici de factura online pes mejans abilitadi entad aguest efècte.

5.1. Eth client garentís e respon, de tota faiçon, dera veracitat, exactitud, vigor e autenticitat des Donades Personaus facilitades damb es finalitats ací expausades.

5.2. Eth client declare èster titular deth contracte de provediment de gas licuat propanat (GLP) associadi ath CUPS qu’eth client age facilitat a Gas Natural Redes GLP, S.A. en sollicitar era nauta o ben auer estat autorizat peth titular de dit contracte.

5.3. Eth client declare dispausar de mejans digitaus e ua connexion d’accès per Internet entà poder consultar dita factura.

5.4. Eth client declare dispausar d’un visualizador de fichèrs electronics entà poder visualizar era factura online metuda ara sua disposicion.

5.5. Eth client aurà de comunicar a Gas Natural Redes GLP, S.A. ath mès lèu que posque eth panatòri o pèrda des sues claus d’accès ar Airau Privat, entà blocar eth sòn compde e evitar es accèssi non autorizadi. Eth client exempte a Gas Natural Redes GLP, S.A. de quinsevolh damatge o prejudici que se pogue ocasionar coma conseqüéncia dera pèrda de confidencialitat des sòns senhaus o claus d’accès.

5.6. Quan eth client sigue titular de diuèrsi contractes de provediment de glp generadors de diuèrses factures, era nauta en servici de Facturacion Online s’aplicarà ara totalitat des sòns contractes enes que figure coma titular. En tot cas, eth client poderà dar-se de baisha dera factura online en un o diuèrsi des contractes enes que figure coma titular a trauès des canaus d’atencion de Gas Natural Redes GLP, S.A. abilitadi entad aguest efècte.

6.1. Registrar eth corrèu electronic deth client enes sòns sistèmes, damb era finalitat de reméter ath corrèu electronic facilitat peth client er avertiment de disponibilitat e consulta dera factura.

6.2. Possibilitar qu’eth client en tot moment pogue revocar eth sòn consentiment entà recéber era factura online e recéber de nau era factura en format fisic.

6.3. Possibilitar qu’eth client pogue consultar es sues factures, egaument, en Airau Privat, abilitat entad açò en airau privat dera web https://areaprivada.redesglp.gasnatural.com

6.4. Gas Natural Redes GLP, S.A. garentís era seguretat e confidencialitat d’aguesta consulta pr’amor que:

a) En corrèu electronic facilitat peth client, se receberà er avertiment d’emission de factura, e que poderà consultar en detalh e descargar: en tot introdusir eth NIF deth titular dera factura, o ben, en tot accedir ar Airau Privat dera Web de Gas Natural Redes GLP, S.A.

b) Quan eth client accedisque ar Airau Privat dera web entà visualizar era factura en (https://www.gnredesglp.es), se li sollicitarà autentificar-se mejançant era validacion deth sòn corrèu electronic e senhau, que seràn uniqies entà cada client e informades de manèra confidenciau as usatgèrs.

c) Ath delà, eth client aurà en tot moment era possibilitat de modificar era sua clau d’accès a trauès dera pròpria foncionalitat que li aufrís era web.