Estauvi e eficiéncia
Suenhar eth miei ambient e er entorn que mos entornege ei responsabilitat de toti. Pr’amor qu’es recorsi dera natura son limitadi, mos cau hèr un consum responsable dera energia. Es larèrs son es responsables deth 17 % deth consum energetic d’Espanha, pr’amor d’açò toti es ciutadans podem collaborar ena reduccion d’aguest consum. Damb aguesti petiti gèsti entà èster mès eficienti damb era energia en larèr, entre toti tanben contribuïram a ua melhora preservacion deth miei ambient.
Eth cauhatge supause apròp deth 39 % deth consum energetic des larèrs, pr’amor d’açò ei fòrça important hèr especiau atencion ara climatizacion deth nòste larèr.
Climatizacion
√ Realizar era mantenença periodica des caudères e equipes de cauhatge entà mantier-les en foncionament optimau.
√ Entà estauviar en cauhatge, ajustar eth termostat entre 19ºC e 21ºC. Quan non i aurà arrés en casa mantié’c entre 15ºC e 17ºC. En ostiu, era temperatura optimau ei d’uns 25 °C
√ Es reishetes de ventilacion an d’èster en perfèctes condicions, sense obstruccions.
√ Es modificacions en installacions o aparelhs de gas an d’èster realizades per enterpreses installadores abilitades.
√ Eth melhor lòc entà plaçar es radiadors ei ath dejós dera hièstra. Atau, favoriram era corrècta difusion der aire pera cramba.
√ Cau purgar es radiadors der abitatge periodicament.
√ Barrar es claus des radiadors des pèces que non s’utilizen abituaument e mantier era pòrta barrada.
√ Es cortines eviten pèrtes de calor, encara que non an de boçar ne obstruïr es radiadors.
√ Barrar es hièstres e cortines pera net entà evitar pèrtes de calor
√ Damb sonque 10 menutes a prumèra ora deth maitin se pòden ventilar es pèces.
Eth 40% des pèrtes de calor se produsissen pes hièstres. Damb petites melhores en isolament podem arténher importants estauvis energetics e economics.
Isolament
√ Installar dobla hièstra o substituïr eth veire e era hustaria des hièstres per d’autes mès eficientes.
√ Un larèr plan isolat redusís es còsti de cauhatge entre un 20 % e un 40 %
√ Susvelhar qu’es caishetes des persianes non an henedures e son convenentament isolades.
√ Emplegar silicona, mastic o eth coishinet entà amendrir possibles pèrtes de calor.
Era aigua cauda sanitària (ACS), damb un 12,6 %, ei era dusau hònt de consum energetic enes larèrs espanhòus, pr’amor d’açò ei de besonh auer en compde ua seria de mesures d’estauvi e bones practiques.
Usatge dera aigua
√ Melhor ua docha qu’un banh: ua docha gaste uns 50 litres d’aigua, deth temps que era banhadora plea gaste uns 300 litres.
√ Barrar es shetes en tot non utilizem era aigua, pr’amor que per ua sheta dubèrta gessen 10 litres per menuta.
√ Cau reparar es shetes que pèrden aigua; ua sheta que gote pòt gastar enquia 30 litres ath dia.
√ Installar enes shetes dispositius reductors deth cabau; se entornien enes madeishes shetes e redusissen eth consum enquiara mitat.
√ Limitar es temperatures maximaus d’emmagazinatge e distribucion entà redusir pèrtes termiques.
√ Es canoades per a on passe an d’èster perfèctament isolades. Coma mès long sigue eth recorrut, mès pèrtes i aurà.
Eth gas naturau coma energia aufrís multiples avantatges ara ora de codinar. Ath delà, en comparason damb d’autes energies, eth gas naturau resulte tanben mès economic e ei ua energia segura, neta e respetuosa damb eth miei ambient.
Codina
√ Utilizar oles e padenes qu’agen un diamètre un shinhau superior ara superfícia dera placa hè qu’era cocción sigue mès rapida e que s’estauvie enquia un 20 %
√ Codinar damb un recipient damb caperader mos ajudarà a estauviar enquia un 25 % d’energia. E amortar eth huec 5 o 10 menutes abans d’acabar era coccion entà profitar era calor residuau.
√ Quan codines, ei melhor emplegar oles a pression o rapides, pr’amor que redusissen enquia un 60 % eth consum energetic.