Nòta Legau

Condicions generaus d’accès e emplec deth portau Gas Natural Redes GLP.

1. Eth PORTAU GAS NATURAL REDES GLP

1.1 A trauès deth Portau Redes GLP (en tà deuant, "eth Portau") dera societat GAS NATURAL REDES GLP, S.A. (en tà deuant "era SOCIETAT"), accessible a trauès dera direccion URL www.gnredesglp.es se facilite as sòns visitaires e usatgèrs, residents en Estat espanhòu (en tà deuant, es "Usatgèrs"), er accès a ua ampla gamma de servicis e contenguts restacadi damb eth provediment, eth consum d’energia, e eth miei ambient (en tà deuant, "es Servicis").

1.2 Es donades identificatives deth responsable deth Portau son es que figuren seguidament:

GAS NATURAL REDES GLP, S.A.
Avenida de San Luis, 77, 28033 Madrid
C.I.F. A-66829045
R.M. de Barcelona en tòm 45550, fòli. 101, huelha numèro B-491505, Inscripcion 1ª

Er Usatgèr receberà informacion detalhada sus eth tractament e emplec des sues donades de caractèr personau enes formularis entà poder accedir a determinadi servicis.

2. CONDICIONS D’ACCÈS E EMPLEC DETH PORTAU

2.1 Er accès ath Portau compòrte era prealabla lectura e acceptacion pes Usatgèrs des presentes Condicions Generaus d’Accès e Emplec (en tà deuant, "es Condicions Generaus"). Mejançant er accès e utilizacion deth Portau se comprenerà qu’er Usatgèr manifèste eth sòn acòrd, de forma exprèssa, plea e sense resèrves, ath contengut de totes e cadua des presentes Condicions Generaus ena sua version publicada en Portau en moment der accès. S’er Usatgèr non siguesse d’acòrd damb eth contengut des presentes Condicions Generaus, aurà d’abstier-se d’accedir ath Portau e d’operar-i. Eth Portau se resèrve eth dret a modificar es presentes Condicions Generaus en tot avertir d’açò as Usatgèrs mejançant es corresponenti avertiments en Portau, entà qu’es Usatgèrs poguen préner coneishença deth sòn contengut a compdar deth prumèr moment.

2.2 Er emplec de determinadi Servicis pòt requerir era identificacion der Usatgèr en Portau e era prealabla acceptacion de determinades condicions particulares que vien a desvolopar, completar e/o eventuaument modificar es presentes Condicions Generaus (en tà deuant, "es Condicions Particulares"). Es Usatgèrs auràn de liéger egaumanet damb era mès grana atencion eth contengut des corresponentes Condicions Particulares o d’auti avertiments legaus qu’apareishen en Portau.

2.3 Coma Usatgèr, Vos declaratz èster major d’edat e/o dispausar dera capacitat juridica e d’obrar sufisenta entà restacar-vos pes presentes Condicions Generaus (e, en sòn cas, pes Condicions Particulares que regulen er emplec d’un determinat Servici) e entà utilizar e, en vòste cas, contractar es Servicis que s’aufrissen en Portau. Er Usatgèr accèpte, de forma exprèssa, plea, sense resèrves ne excepcions, qu’er accès e era utilizacion deth Portau, des sòns Servicis e des sòns contenguts a lòc jos era soleta unica e exclusiva responsabilitat.

3. CONTENGUT DETH PORTAU

3.1 Er Usatgèr deth Portau assumís, coneish e accèpte, peth hèt madeish de visità’c, qu’es donades e informacions sus productes o servicis, e quinsevolhes d’autes donades e informacions contengudes en Portau i apareishen, unicament e exclusivament, entàs efèctes informatius, coma informacion de caractèr preliminar dispausada ara atencion der Usatgèr, e qu’en un moment dat pòden contier errors, imprecisions o non èster actualizades.

3.2 Era SOCIETAT se resèrve eth dret a modificar, ara sua discrecion e de forma unilaterau, en quinsevolh moment e sense prealable avertiment, era configuracion deth Portau, e tanben eth contengut e extension des Servicis rendudi a trauès deth Portau e des condicions d’accès as madeishi. Dera madeisha manèra, era SOCIETAT se resèrve era facultat d’incorporar naui Servicis e contenguts en Portau, e tanben eth dret d’eliminar, limitar, suspéner o empedir er accès as Servicis rendudi a trauès deth Portau, ja siguesse de manèra temporau o definitiva, quan concorreràn es motius previsti en aguestes Condicions Generaus.

4. CONDICIONS PARTICULARES DES SERVICIS DETH PORTAU

Es Servicis s’aufrissen as Usatgèrs, damb caractèr generau, de forma gratuïta

5. IDENTIFICACION COMA USATGÈR DETH PORTAU

5.1 Er emplec de determinadi Servicis aufridi pera SOCIETAT poderà requerir dera identificacion prealabla der Usatgèr en Portau a trauès deth corresponent formulari d’identificacion. En formulari s’avertirà ar Usatgèr, en sòn cas, des Condicions Particulares.

6. MANIFESTACIONS E GARENTIDES DE CARACTÈR GENERAU

6.1 Era SOCIETAT manifèste e garentís qu’eth Portau dispause dera tecnologia (logiciau e hardware) de besonh, ath dia dera data, entà perméter er accès e utilizacion. Maugrat açò, era SOCIETAT non se responsabilize pera eventuau existéncia de virus o d’auti elements nosibles, introdusidi per quinsevolh mejan o per quinsevolh tresau, que poguen produsir alteracions enes sistèmes informatics der Usatgèr, ne pes conseqüéncies prejudiciaus qu’es madeishes poguen produsir enes sistèmes informatics der Usatgèr. Er Usatgèr accèpte pleament çò d’anterior e se compromet, dera sua part, a desplegar era mès grana diligéncia e prudéncia quan accedisque e utilize es Servicis que s’aufrissen a trauès deth Portau. En particular, encara que non sonque, er Usatgèr aurà d’observar es recomanacions de seguretat que se mòstren en Portau.

6.2 Er Usatgèr accèpte qu’eth Portau a estat creat e desvolopat de bona fe pera SOCIETAT damb informacion procedenta de hònts intèrnes e extèrnes e ac aufrís en sòn estat actuau as Usatgèrs, en tot poder, totun, contier faussetats, inexactituds, omissions remercables, imprecisions o errates. Era SOCIETAT, en conseqüéncia, non garentís en cap cas era veracitat, exactitud, actualitat coma tanpòc era exaustivitat des contenguts deth Portau. Per açò, er Usatgèr exonère ara SOCIETAT de quinsevolha responsabilitat en relacion damb era fidabilitat, utilitat o fausses expectatives qu’eth Portau podesse produsir-li o generar-li pendent era sua navegacion peth madeish.

6.3 Er Usatgèr garentís que quinsevolhes activitats per eth desvolopades a trauès deth Portau s’adaptaràn ara lei, era morau, es boni costums acceptadi generaument e ar orde public, e qu’en cap cas resultaràn ofensives entath bon nòm e imatge comerciau dera SOCIETAT , de GAS NATURAU FENOSA, entara rèsta d’Usatgèrs deth Portau o entàs tresaus provedidors de servicis. En particular, er Usatgèr se compromet a utilizar es Servicis de forma corrècta e diligenta e d’abstier-se d’utilizar-les damb finalitats o efèctes illicits o proïbidi pes presentes Condicions Generaus, damatjosi des drets e interèssi de tresaus, o que de quinsevolha manèra poguen damatjar, inutilizar, subrecargar o deteriorar diti Servicis, es equipes informatiques de tresaus e tanben es documents, archius, e tota classa de contenguts emmagazinadi enes sues equipes informatiques o empedir era normau utilizacion o gaudiment des Servicis per part de tresaus.

6.4 En particular, a títol simplament enonciatiu e non limitatiu, er Usatgèr se compromet a non utilizar es Servicis damb finalitat de (i) suplantar era identitat d’un tresau; (ii) vulnerar drets fondamentaus e libertats publiques reconeishudes ena normativa nacionau e enes tractats o convencions internacionaus e, en particular, a non portar tòrt ar aunor, era intimitat personau, era imatge o era proprietat de bens e drets de tresaus; (iii) incitar o promòir accions delictives, denigrantes, difamatòries, ofensives o, en generau, contràries ara lei, ara morau, as boni costums generaument acceptadi o ar orde public; (iv) indusir o promòir accions o idèes discriminatòries per rason de raça, sèxe, ideologia, religion o credences; (v) incorporar, méter a disposicion o perméter accedir a productes, elements, messatges e/o servicis delictius, violents, pornografics, ofensius o, en generau, contraris ara lei, ara morau o ar orde public; (vi) vulnerar es drets de proprietat intellectuau o industriau apertenenti a tresaus; (vii) vulnerar era normativa sus secrèt des comunicacions, normativa de publicitat e/o normativa de competéncia desleiau; (viii) transméter a trauès deth Portau damb dòl o colpa corrèu electronic, programes o donades (includidi virus e logiciau nosible) que causen o poguen causar damatges o prejudicis en quinsevolh grad a sistèmes informatics dera SOCIETAT o d’auti Usatgèrs o de tresaus, o tanben faussejar era origina deth corrèu electronic o d’aute materiau contengut en un archiu que se transmete a trauès deth Portau. (ix) Emplegar era informacion contenguda en portau damb finaalitats de venda dirècta o damb quinsevolha auta classa de finalitat e (x) enviar messatges non sollicitadi adreçadi a ua generalitat mès o mens ampla de persones damb independéncia dera sua finalitat.

7. LIMITACION DE RESPONSABILITAT DE CARACTÈR GENERAU

7.1 ERA SOCIETAT non efectue manifestacions ne aufrís garentides de cap classa, ja siguen explicites o implicites, en çò que tanh ath foncionament deth Portau o ara informacion, contengut, logiciau, materiaus, o productes includidi ena mesura qu’ac permete era legislacion aplicabla. Egaument, era SOCIETAT demore exemptada de rénder quinsevolhes garentides, ja siguen explicites o implicites, includides, entre d’autes, es garentides implicites d’idoneïtat entà ua finalitat determinada. Era SOCIETAT non serà responsabla des damatges o prejudicis de quinsevolha sòrta que poguen derivar-se der emplec d’aguest Portau, includidi, entre d’auti, es damatges dirèctes e indirèctes.

7.2 Era SOCIETAT non se hè responsabla de quinsevolhs damatges o prejudicis dirèctes o indirèctes que podessen derivar-se dera interrupcion deth Servici per part deth Portau e tanben dera sua contunhitat. Egaument, era SOCIETAT non se hè responsabla des possibles errors o deficiéncies de seguretat que podessen produsir-se pera utilizacion, per part der Usatgèr, d’un navegador d’ua version non actualizada o insegura, e tanben pera activacion des dispositius de conservacion de claus o còdis d’identificacion der Usatgèr registrat en navegador o des damatges, errors o inexactituds que podessen derivar-se deth sòn mau foncionament.

7.3 Era SOCIETAT excludís tota responsabilitat pera licitud, contengut e qualitat des productes e servicis aufridi e/o comercializadi per tresaus a trauès deth Portau.

7.4 Era SOCIETAT non autrege garentides de cap natura, ne exprèssa ne implicita, èr çò qu’ei dera informacion que se transmete, distribuïsque, publique o emmagazine en Portau, ne dera utilizacion qu’es Usatgèrs, es sòns trabalhadors o tresaus ne hèsquen. Egaument, era SOCIETAT non responerà per çò qu’ei d’incapacitat de quinsevolh Usatgèr o dera suplantacion dera personalitat d’un tresau efectuada per un Usatgèr.

7.5 En quinsevolh cas de responsabilitat exigibla ara SOCIETAT , aguesta sonque responerà pes damatges e prejudicis efectius e dirèctament causadi per era, sense includir en cap cas compensacion per lucre cessant.

7.6 Er Usatgèr responerà pes damatges e prejudicis de quinsevolha natura qu’era SOCIETAT pogue sofrir coma conseqüéncia, dirècta o indirècta, der inacompliment per part der Usatgèr des Condicions Generaus.

8. LIGASONS O LIGAMS IPERTEXTUAUS DAMB ETH PORTAU

8.1 Es Usatgèrs o es titulars d’auti sits web que vòlen crear un ligam d’ipertèxte (en tà deuant, link ) en Portau auràn d’assegurar e comprometer-se per çò qu’ei des règles dera SOCIETAT sus ligams en Hilat. Dites règles consistissen en (i) non establir ligams a pagines o sospaginaes distintes ara home page deth Portau; (ii) non establir ligams que permeten era reproduccion totau o parciau des pagines dera home page deth Portau; (iii) non realizar ath costat deth link manifestacions fausses, inexactrs, incorrèctes, que poguen indusir a error o confusion o, en generau, que siguen contràries ara lei, era morau o es boni costums; (iv) non includir cap marca comerciau o signe susceptible de proteccion distint dera direccion d’URL deth Portau, e (v) non establir links damb pagines que contenguen contenguts, manifestacions o propaganda de caractèr racista, xenofòb, pornografic, d’apología deth terrorisme o atemptatòria contra es drets umans e en generau poguen prejudiciar de quinsevolha manèra eth bon nòm comerciau, o era imatge dera SOCIETAT o des sòns clients. De tota faiçon, er includiment de ligasons o ligams ath Portau per part de d’auti sits web non implique qu’era SOCIETAT mantengue ligams o associacion de cap classa damb eth titular dera web ena que s’establisque eth link ne, encara mens, qu’era SOCIETAT promoigue, avale, garentisque o recomane es contenguts de diti portaus o sits web.

8.2 Deth sòn costat, eth Portau pòt contier ligasons o ligams damb d’auti portaus o sits web non gestionadi pera SOCIETAT. Era SOCIETAT decline tota responsabilitat pes informacions contengudes en diti Portaus o sits web as que se pogue accedir per ligams ("links") o cercaires des pagines web dera SOCIETAT. Era preséncia de ligams ("links") enes pagines web dera SOCIETAT a finalitat simplament informativa. Per tant, era SOCIETAT non se responsabilize ne autrege garentida de cap natura, ne exprèssa ne implicita per çò qi’ei de: (i) era comerciabilitat, idoneïtat, qualitat, quantitat, caracteristiques, procedéncia o origina, comercializacion o quinsevolh aute aspècte des productes o servicis que s’aufritz e comercializen a trauès deth Portau; (ii) es damatges e prejudicis dirèctes, indirèctes o de quinsevolh aute tipe que podessen generar es productes o servicis que s’aufrisquen, comercializen, aquerisquen, venen o renden a trauès deth Portau; (iii) es prètzi aufridi o pactadi pes Usatgèrs damb es entitats oferentes; (iv) ne es transaccions o operacions que s’amien a tèrme entre eri; (v) ne dera bona finalitat des madeishes; (vi) ne sus es tèrmes e condicions qu’entre eri pacten enes sòns negòcis e condicions d’emplecs, ne des sues modificacions, compliment e execucion, facturacion, forma e mejans de pagaments e resolucion; (vii) ne der assegurament deth liurament des productes o rendement des servicis; (viii) ne des informacions qu’entre eri poguen escambiar-se; (ix) ne deth contengut e emplec des informacions de caractèr personau o non que dites entitats requerisquen ar Usatgèr entà atrèir e amiar a tèrme es operacions; (x) ne deth contengut e emplec des informacions de caractèr personau qu’era SOCIETAT transmete a dites entitats damb era unica e exclusiva finalitat de complir damb era relacion de negòci iniciada o creada, de conformitat damb çò d’indicat en Avertiment figurant ath pè deth formulari de registre d’Usatgèr (xi) ne dera publicitat que poguen hèr emplec es Usatgèrs, ne der emplec qu’es Usatgèrs poguen realizar des signes distintius d’un tresau o des sòns pròpris.

9. DRETS DE PROPRIETAT INTELLECTUAU E INDUSTRIAU

9.1 Toti es contenguts deth Portau (en tot includir, sense caractèr limitatiu, bases de donades, imatges e fotografies, brevets, modèls d’utilitat e industriaus, diboishi, grafics, archius de tèxte, àudio, vidèo e logiciau) son proprietat dera SOCIETAT, o des provedidors de contenguts, en tot auer estat, en aguest darrèr cas, objècte de licéncia o cession, per part des madeishi, e son protegidi pes normes nacionaus o internacionaus de proprietat intellectuau e industriau. Era compilacion (en tot comprener-se coma tau era compilacion, dessenh, organizacion e montatge) de tot eth contengut deth Portau ei proprietat exclusiva dera SOCIETAT e se tròbe protegida pes normes nacionaus e internacionaus de proprietat industriau e intellectuau.

9.2 Tot eth logiciau utilizat en dessenh des pantalhes, navegacion e emplec e desvolopament deth Portau ei proprietat dera SOCIETAT o des sòns provedidors de logiciau e se tròbe protegit pes leis nacionaus e internacionaus de proprietat industriau e intellectuau.

9.3 Es marquse, panèus, signes distintius o lògos dera SOCIETAT qu’apareishen en Portau son titularitat dera SOCIETAT e son degudaments registradi o en procès de registre. Es denominacions d’auti productes, Servicis e companhies qu’apareishen en aguest document o en Portau pòden èster marques o d’auti signes distintius registradi des sòns respectius e legitims proprietaris.

9.4 Toti es tèxtes, diboishi grafics, vidèos o supòrts de òudio son proprietat dera SOCIETAT, o des sòns provedidors de contenguts, en tot non poder èster objècte de ulteriora modificacion, còpia, alteracion, transformacion, reproduccion, adaptacion o traduccion per part der Usatgèr o de tresaus sense era exprèssa autorizacion per part des titulars de diti contenguts.

9.5 Era metuda a disposicion des Usatgèrs entath sòn emplec des bases de donades, diboishi, grafics, imatges e fotografies, archius de tèxte, àudio, vidèo e logiciau proprietat dera SOCIETAT o des sòns provedidors que figuren en Portau non implique, en cap cas, era cession dera sua titularitat o era concession d’un dret d’espleitacion en favor der Usatgèr, distint deth dret d’emplec que compòrte era utilizacion legitima e d’acòrd damb era natura deth Portau.

9.6 Demore categoricament proïbit quinsevolh emplec des contenguts deth Portau, des Servicis e, en generau, de toti es drets mencionadi enes epigrafs precedenti que se realize sense era autorizacion dera SOCIETAT , includida era sua espleitacion, reproduccion, difusion, transformacion, distribucion, transmission per quinsevolh mejan, posteriora publicacion, exibicion, comunicacion publica o representacion totau o parciau es quaus, de produsir-se, constituiràn infraccion des drets de proprietat intellectuau dera SOCIETAT , sancionadi pera legislacion en vigor.

10. FÒRÇA MAJORA

Entàs efèctes des presentes Condicions Generaus se comprenerà per fòrça majora, a títol enonciativo mès non limitatiu, (i) tot eveniment non colpable impossible de preveir o que previst o previsible, siguesse inevitable; (ii) es errors en accès as diuèrses pagines web; (iii) es errors en provediment de hilat electric o telefonic; (iv) es damatges produsidi per tresaus o ataques ath servidor deth Portau (virus) qu’afècten ara qualitat des Servicis e non siguen imputables ne ara SOCIETAT ne ar Usatgèr; (v) es errors ena transmission, difusion, emmagazinatge o metuda a dispausicion a tresaus des bases de donades e d’auti contenguts deth Portau e, (vi) es problèmes o errors ena recepcion, obtencion o accès ath Portau o as Servicis per part de diti tresaus.

11. SUSPENSION DER ACCÈS ATH PORTAU E DES SERVICIS

11.1 Era SOCIETAT s’esforçarà en mantier era disponibilitat contunhada deth Portau. Totun, quinsevolha modalitat d’operacion de pròva, contraròtle e mantenença seràn liurament escuelhudes e realizades pera SOCIETAT en quinsevolh moment, damb quinsevolh procedimentz e mejanz emplegats entà amiar-les a tèrme. Era SOCIETAT procurarà, cada viatge que açò sigue razonablament possiblr, avertir as Usatgèrs mejançant ua anóncia en Portau dera realizacion d’ua operacion de mantenença o ua auta activitat que podesse afectar ath Portau.

11.2 Era SOCIETAT se resèrve era plea libertat entà modificar es capacitats de transmission, seguiment o d’auti mejans o Servicis tecnics utilizadi entad accès o utilizacion deth Portau.

11.3 Era SOCIETAT poderà suspéner de forma temporau o definitiva es Servicis, sense qu’açò genère cap tipe d’indemnizacion en favor der Usatgèr, quan concorrerà quinsevolha des següentes circonstàncies: (i) quan serà de besonh entà realizar prètzhèts de mantenença, (ii) quan serà de besonh entà preservar era integritat o era seguretat des Servicis que se rendeen, des equipes, es sistèmes o des hilats dera SOCIETAT o de tresaus, cada viatge que afecten o poguen afectar as servicis dera SOCIETAT , (iii) quan atau ac justificaràn rasons operatives pròpries o de tresaus qu’afècten eth rendement des Servicis dera SOCIETAT ; (iv) quan existirà ua causa de fòrça major,a era SOCIETAT procurarà mantier informat ar Usatgèr dera suspension e des sues causes, cada viatge que sigue possible.

12. TERMINASON

12.1 Quinsevolha des parts pòt dar per resolvut aguestes Condicions Generaus en cat de: (i) inacompliment de quinsevolha des obligacions establides enes presentes Condicions Generaus cada viatge que dit inacompliment non sigue esmendat en un tèrme de trenta (30) dies compdadi a compdar dera notificacion escrita, exceptat que pr’amor dera sua gravetat, non siguessen esmendables.

12.2 Eth Portau poderà tanben dar per fenides es Condicions Generaus d’emplec sense besonh de cap preavertiment ar Usatgèr quan: (i) ajeconeishença dera realizacion per part der Usatgèr de quauqua activitat illicita a trauès des Servicis; (ii) er Usatgèr age inacomplit quauqua ua des sues obligacions essenciaus, segons aguestes Condicions Generaus, e especiuament en cas d’emplec indegut deth còdi d’accès; e en cas de vulneracion o impugnacion des drets de proprietat intellectuau e industriau deth Portau, tot açò sense prejudici der exercici des accions legaus que li corresponen en defensa des sòns interèssi.

13. NULITAT E INEFICACITAT DES CLAUSES

Se quinsevolha Clausa des presentes Condicions Generaus anèsse siguesse, totaument o parciaument, nulla o ineficaça, tau nullitat o ineficacitat afectarà sonque a dita disposicion o part dera madeisha que resulte nulla o ineficaça en tot subsistir, per tot aquerò aute, era rèsta de Condicions Generaus e en tot auer-se tau disposicion o era part dera madeisha que resulte afectada per non metuda, exceptat que, pr’amor de resultar essenciau entàs presentes Condicions Generaus, auesse d’afectar-les de forma integrau.

14. LEI APLICABLA ATH CONTRACTE E JURISDICCION

14.1 Es presentes Condicions Generaus s’interpretaràn e regiràn de conformitat damb era legislacion espanhòla.