Erabilera-aholkuak
Ezagutu Gas Natural Redes GLPtik ematen dizkizugun aholkuak gasa behar bezala erabiltzeko eta instalazioa egoera egokian mantentzeko.
Jarri zure instalazioa profesionalen esku
Enpresa instalatzaile baimendu batek bakarrik egin edo alda dezake gas-instalazioa.
Gas-gailuetan edo -instalazioan irregulartasunen bat aurkitzen baduzu, deitu gailuaren fabrikatzailearen zerbitzu teknikora edo baimendutako enpresa instalatzaile batera, arazoa lehenbailehen konpontzeko.
Arreta jarri zure instalazioari
Sugarraren egoera onak (egonkorra eta urdina) errekuntza ona dela erakusten du. Saiatu sukaldean ari zaren bitartean sua ez itzaltzen.
Sugarraren keak lapikoak zikintzen baditu, deitu gailuaren fabrikatzailearen zerbitzu teknikora, errekuntza txarraren seinale baita.
Zaindu gailuen hodi malguen egoera, eta eskatu instalatzaileei segurtasun handiko hodiak instalatzea, indarrean dagoen araudia bete dezaten.
Mantendu instalazioa egunean
Indarrean dagoen araudiaren arabera, zeu zara instalazioa mantentzeko eta instalazioa eta gas-aparatuak behar bezala erabiltzeko arduraduna.
Banatzaileak gas-instalazioak ikuskatu behar ditu aldizka, eta erabiltzaileak sartzen utzi behar dio ikuskapena egin ahal izateko.
Ezagutu zehatz-mehatz zer diren aldizkako ikuskapenak.
Aireztatu behar bezala
Aireztapen-saretek egoera onean egon behar dute. Ez oztopatu inola ere.
Terrazan kristalak jartzen badituzu, ez ahaztu langileei aireztapen-saretak ireki behar dituztela eskatzea.
Gasen irteera-hodia funtsezkoa da gailuek behar bezala funtziona dezaten. Ziurtatu espezialista batek instalatzen duela, araudia betez.
Luzaro egon behar ez baduzu
Kanpoan denbora luzez egon behar baduzu (bi egun baino gehiago), itxi etxeko gasaren giltza.